銅鑼灣美食2023｜手工漢堡包店 沙嗲牛肉炒芫荽蛋漢堡+香芋豆腐花奶昔

最近銅鑼灣新開嘅漢堡包小店，專賣手工漢堡包！餐廳有漢堡、小食同奶昔提供。最有特色嘅漢堡包口味必定係沙嗲牛肉炒芫荽蛋漢堡，使用自家製嘅牛肉漢堡扒，加上芫荽炒蛋同港式沙嗲汁，係超特別嘅配搭！另外都有素食漢堡包，將藜麥、菠菜、薯仔同菇整成素漢堡扒再炸香。小食就有鹹蛋黃薯條同蔥油洋蔥圈，都係十分香口！仲有兩款超邪惡奶昔，分別係香芋同朱古力味。所有美食都係即叫即整，漢堡啖啖都充滿肉汁，千祈唔好錯過！

▲小店位於希雲街最入的小角落，環境比較安靜。天氣晴朗時會打開面對街道的落地窗，可以帶上毛孩一起chill下。

• 

• 

▲沙嗲牛肉炒芫荽蛋漢堡（$78）：超有特色的港式風味漢堡包，使用自家製嘅牛肉漢堡扒，加上芫荽炒蛋同港式沙嗲汁，無論係咪芫荽控都不妨一試咁特別嘅口味！

▲藜麥脆薯餅素漢堡（$72）：將藜麥、菠菜、薯仔同日本菇整成素漢堡扒再炸香，配上自家製波椒醬同烤意大利青瓜，就好似將普羅旺斯燉菜搬入漢堡包入面咁！

▲紫菜金沙鹹蛋黃薯條（$52/跟餐加$42）：以焦化牛油加入蒸熟的鹹蛋黃一同炒香，做出自家製的鹹蛋黃醬汁，香味撲鼻而來，鹹香味充足。

• 

• 

▲蔥油洋蔥圈2.0（$34）：以香港小食蔥油餅為靈感，以青蔥和黑芝麻混入黑啤油炸醬，令洋蔥圈夠香脆不會過膩。

▲Vita Sick!香芋維他奶Sick（$58）： 以香芋雪糕、豆腐花及維他奶為主，面層加上焦糖脆脆同芋圓，顏色夢幻適合打卡，味道層次都十分豐富。

▲Oval Sick華牛奶Sick（$58）：朱古力控必點！使用阿華田、朱古力雪糕和3.9牛奶製成，面層除了有生可可碎令口味更濃郁外，更加上朱古力曲奇和脆脆，極邪惡的配搭！

Sick! Burger

地址：銅鑼灣希雲街31號地下
營業時間：12:00-21:00
訂座電話：93833401

文字&圖片來源：香港人遊香港

The post銅鑼灣美食：【隱世手工漢堡包店進駐銅鑼灣 香港特色！沙嗲牛肉炒芫荽蛋漢堡+香芋豆腐花奶昔】- Sick Burgerappeared first on香港人遊香港.