元朗美食2023｜即叫即製爆醬牛角窩夫 必試手工芋泥麻糬味+開心果味+乳酪雪糕窩夫

元朗向來都好多小食店，而呢間牛角窩夫專門店就係必食之一啦！牛角窩夫全部都係即叫即整，酥脆又香牛油味。當中手工芋泥麻糬味係人氣之選，芋泥口感綿密，香甜但不會膩，仲有帶奶香嘅煙韌麻糬令口感升級！小店仲推出夏日限定士多啤梨口味嘅乳酪雪糕窩夫，用木棍插住嘅牛角窩夫，配上酸甜滋味嘅乳酪雪糕同各種士多啤梨味配料，消暑一流！專門店賣嘅窩夫，鹹甜味都有，亦有咖啡茶飲等飲品，大家不妨去試下啦！

▲手工芋泥麻糬牛角窩夫（$40）：每日限量20份的人氣之選！芋泥口感綿密，香甜但不會膩，仲有帶奶香嘅煙韌麻糬令口感升級！

▲特濃開心果奶油牛角窩夫（$40）：使用極純99%開心果製成的奶油，果仁味香濃而且有碎粒口感，一咬開就爆醬！

▲草莓脆波波魔法棒（$52） ：夏日限定的口味，有酸甜滋味嘅乳酪雪糕同各種士多啤梨味配料，包括果乾同爆珠，加用木棍插住嘅牛角窩夫，方便沾起雪糕一同進食。

▲元氣火腿芝士牛角堡（$41）：除了甜食之外，小店亦有推出鹹味的牛角包，火腿芝士作為絕配一定好味，十分適合作早餐或下午茶。

▲小店在輕鐵站附近，元朗街坊或入元朗玩的朋友，都不妨去試試啦！

Kroffle

地址：元朗民合徑8號幸福樓地下18號舖
營業時間：10:00-20:00
聯絡電話：91416114

文字來源：香港人遊香港/圖片來源：@car_foodie_2021、@chubbyfoodbaby、@kroffle.hk

The post元朗美食：【元朗即叫即製爆醬牛角窩夫 必試手工芋泥麻糬+乳酪雪糕窩夫】- Kroffleappeared first on香港人遊香港.