荃灣美食：【荃灣親民價日式吉列定食 人氣No.1厚切炸豬扒+足料茶碗蒸】-豚本家
荃灣美食2023｜荃灣親民價日式吉列定食
荃灣呢間親民價日式定食餐廳開咗幾個月就已經吸引咗一大班食客，皆因呢度主打香港人最鍾意嘅平靚正旗號，推出超過30款定食，以及各款刺身、日式小食同甜品，而且午市堂食免加一服務之餘，學生光顧仲有免費汽水送！所有定食包括前菜、茶碗蒸、麵豉湯同白飯，特別推介招牌吉列厚切豬扒定食，每塊炸豬扒足足有3-4cm咁厚，外酥脆內軟嫩，仲帶點油脂香，真係cp值超高！
▲位於荃灣的豚本家主打親民日式定食，推出超過30款套餐，以及各款刺身、日式小食同甜品，而且午市堂食免加一服務。
▲招牌吉列厚切豬扒定食（$95），包括前菜、茶碗蒸、麵豉湯同白飯（可轉麵），超震撼大大塊豬扒，而且每塊炸豬扒足足有3-4cm咁厚，外皮酥脆內裡肉汁滿滿勁過癮！
▲夏天配埋冷蕎麥麵(+$18)，有淡淡麥香之餘煙韌咬口，非常清新。
▲仲有各款刺身、日式小食同甜品，茶碗蒸內裡都非常足料，加入高湯令蛋味更加濃郁，入口順滑。
豚本家
地址：荃灣青山公路荃灣段210號富華中心商場2樓B號舖
營業時間：星期一至日11:00 – 22:00
圖片來源： @hinsonfoodhk文字：香港人遊香港
The post荃灣美食：【荃灣親民價日式吉列定食 人氣No.1厚切炸豬扒+足料茶碗蒸】-豚本家appeared first on香港人遊香港.
