牛頭角美食2023｜開心果麻糬布甸！ 價錢親民街坊麵包店 雙重口感果仁甘香 法國製100%開心果醬

開心果控又有新品試啦！呢個開心果麻糬布甸唔止有雙重口感，開心果味仲好濃郁㖭。開心果布甸滑溜柔順，而且採用咗法國製100%開心果醬，所以果香味天然又突出！而麻糬波波嘅口感煙韌彈牙，相較於一般嘅布甸包就更有特色啦！麻糬布甸嘅大細約一個掌心左右，甜味適中，自己食完兩個都唔會感到過份甜膩。而且麵包店嘅價錢親民貼地，又有幾間分店，難怪一推出就被關注組大力推介，大家都快點去試試啦！

• 

• 

▲開心果麻糬布甸（$24/2個）：口感同味道都係上乘之作！布甸入口滑順，濃稠度適中，而麻糬波波就夠哂煙韌仲有少少酥脆外皮。

▲開心果香味濃郁，係天然嘅果仁甘甜。麻糬布甸嘅大細約一個掌心左右，甜味適中。

• 

• 

▲麵包店仲有其他品項，包括QQ麻糬波等，價錢同樣親民貼地。

• 

• 

▲麵包店係街坊式小店，不過喺全港共有6間分店，相信大家想試嘅話都好方便就可以搵到。

傳奇烘焙

地址：
牛頭角牛頭角道321號官塘立成大廈地舖
上水彩園路8號彩園邨彩園商場3樓R1B號舖
大埔太和路12號太和廣場2樓205D號舖
大埔廣福里23號正發樓地下A1號舖
北角英皇道480號昌明洋樓地舖
粉嶺軍地龍馬路66號皇后山邨皇后山商場地下18號舖

文字來源：香港人遊香港/圖片來源：@flogwithme

The post牛頭角美食：【雙重口感濃郁開心果麻糬布甸！街坊麵包店價錢親民貼地 法國製100%開心果醬】- 傳奇烘焙appeared first on香港人遊香港.