韓國好去處2023｜香港牛奶公司不在香港？首爾港式Cafe！主打港式燉奶甜品 彩色玻璃窗+金魚缸茶几

平時香港有唔少韓式Cafe吸引大家去感受一下韓國潮流，但係估唔估到韓國都有港式Cafe呢？！呢間喺首爾嘅Cafe，就係以「香港」為名號！唔單止使用咗彩色玻璃窗同金魚缸呢啲港產片風格設計，仲係主售港式甜品㖭，包括燉奶、西多士、港式奶茶等。Cafe係由老屋改建而成，保留到有啲懷舊嘅木系裝修，門口仲有個小瀑布，就好似以前嘅大酒樓咁！而且仲用金魚缸嚟做茶几，超有特色。唔知大家會唔會想去睇吓韓國人打造嘅港式Cafe呢？

• 

• 

▲魚缸呢樣物品出現喺唔少港產片同以前的港式餐廳或酒樓，呢間Cafe用金魚缸嚟做茶几，別有一番港式情懷，仲可以一邊睇魚一邊食嘢。

• 

• 

▲當陽光穿透落地彩色玻璃窗，映影入室內嘅光線會變為復古暖黃色調。尤其當光線打落水池時更會波光粼粼。

• 

• 

▲店舖主要售賣港式甜品，主打燉奶，有姜汁、朱古力味等。

• 

• 

▲餐廳仲有西多士供應，食過嘅韓國人喺網上評論指呢度嘅西多有花生醬㖭，睇嚟真係好港式！

香港牛奶公司 Hong Kong Milk Company

地址：韓國首爾鍾路區昌信12街53-1（1至2層）
營業時間：11:00-21:30（最後點餐時間21:00）
電話：0507-1377-7402

文字來源：香港人遊香港/圖片來源：@hongkong.milkcompany

The post韓國好去處：【香港牛奶公司不在香港？首爾港式Cafe！主打港式燉奶甜品 彩色玻璃窗+金魚缸茶几 懷舊香港風情】- 香港牛奶公司appeared first on香港人遊香港.