銅鑼灣美食：【銅鑼灣進駐鮮奶麻糬刨冰專門店 足料D24榴槤+泰式芒果糯米飯+焦糖燉蛋】-Icegreen 氷舍
銅鑼灣美食2024｜銅鑼灣進駐鮮奶麻糬刨冰專門店
鐘意食刨冰嘅朋友有福啦！銅鑼灣新開咗間專食麻糬刨冰甜品店，雖然店鋪不大但款式卻非常多，包括有刨冰、炒冰同冰杯、中式糖水例如比較少見的腰果露都有。刨冰口味方面推介D24榴槤飄香刨氷以及泰式芒果糯米飯刨氷，部分刨冰上更有更會加上鮮奶麻糬，口感比平時食到嘅更加香滑，另外亦有楊枝甘露、法式嫩蛋、焦糖燉蛋口味等等，每一份都相當足料，有興趣嘅朋友可以去試吓！
▲新店位於銅鑼灣，空間不大，但走文青簡約路線，看起來乾淨俐落。
▲部分刨冰可以加配鮮奶麻糬，例如有D24榴槤飄香刨氷（$78）、石榴皇炒氷（$68）等等，麻糬偏軟滑，易斷開。榴槤刨氷有一大匙榴槤蓉超正，食到啖啖齒頰榴香。
▲泰式芒果糯米飯刨氷（$68）有濃郁的椰子奶蓋，配微溫熱的糯米飯，芒果香甜，值得推介！
▲另外亦有楊枝甘露（$52）、法式嫩蛋（$55）、焦糖燉蛋口味（$55）等等，其中法式嫩蛋配有餅乾碎，食落好香烤牛油味，意外地有驚喜！
Icegreen 氷舍
地址：銅鑼灣謝斐道520號地舖
營業時間：星期一至星期日 12:00 – 23:00
圖片來源： @bunny.woof文字：香港人遊香港
The post銅鑼灣美食：【銅鑼灣進駐鮮奶麻糬刨冰專門店 足料D24榴槤+泰式芒果糯米飯+焦糖燉蛋】-Icegreen 氷舍appeared first on香港人遊香港.
