日本好去處：【東京Kewpie沙律醬工場！免費參觀！送Kewpie禮物+DIY沙律醬+附連結！】
日本好去處｜東京Kewpie沙律醬工場體驗
以可愛的BB為招牌的日本沙律醬品牌，相信大家都食過！呢個位於東京的Kewpie沙律醬工場，亦都非常值得一去。90分鐘的免費導賞團，參觀者可以了解Kewpie沙律醬的歷史、製作過程，亦可以在實驗廚房親手製作自己的沙律醬和料理；途中更可以同隨處可見的Kewpie打卡。最後，仲會獲贈Kewpie出品的沙律醬。有免費試吃同禮物贈送，難怪大受家長歡迎，有興趣的朋友即刻mark實時間報名！
▲入口模仿沙律醬樽蓋，設計成大型星型，可愛十足！
▲嚟到木製嘅巨型沙律醬展廳，呢到嘅大小足足係實際沙律醬嘅50萬倍咁大！導賞員會為大家介紹美味沙律醬背後嘅製作技巧。
▲喺實驗廚房，大家可以DIY屬於自己的沙律醬，亦可以製作沙律料理及試食等等，工場會提供每人一份新鮮沙律菜、Kewpie沙律醬和各種調味料，讓你自行調配出喜愛的沙律醬味道。
▲牆壁上佈滿Kewpie沙律醬的歷史、使用沙律醬製作的料理。
▲最後，參觀者仲會獲贈Kewpie品牌的出品。
Mayo Terrace
開放時間：10:00-17:00(星期六、日及公眾假期休息，另有其他臨時休館日)
地址：〒182-0002東京都調布市仙川町2-5-7 仙川キユーポート
預約連結：按此
*費用全免，但必須事先網上預約
文字：香港人遊香港 / 圖片來源：官方
The post日本好去處：【東京Kewpie沙律醬工場！免費參觀！送Kewpie禮物+DIY沙律醬+附連結！】appeared first on香港人遊香港.
