都市熱話：【《黑白大廚》拿坡里黑手黨「栗子提拉米蘇」！ 10月登陸韓國便利店！教你優先預購！】
《黑白大廚》拿坡里黑手黨「栗子提拉米蘇」 登陸韓國便利店
仲未睇過《黑白大廚》？呢套Netflix人氣節目嘅「栗子提拉米蘇」即將登陸韓國便利店CU啦！
於節目入面爆紅嘅甜品，由「拿坡里黑手黨」廚師喺第8集復活賽中創作出嚟。「栗子提拉米蘇」一出場就收服咗白種元同安成宰兩位評審嘅胃，連平時睇唔過眼嘅安成宰都忍唔住讚好食過餐廳㖭！而韓國CU便利店就邀請本人參與製作產品配方，「栗子提拉米蘇」更會於10月12日正式上架，大家可以食到同節目一樣嘅味道！產品即日起至10月10日開放以App「Pocket CU」優先預購，10月12日起正式上市，售價4900韓元（港幣大約$28）。
▲南韓便利店CU因為呢個節目，栗子、餅乾同拿鐵嘅銷量都飆升咗。而家佢哋仲準備推出真正嘅「栗子提拉米蘇」添，等大家都可以喺便利店買到呢個神級甜品啦！
▲產品即日起至10月10日開放以App「Pocket CU」優先預購，10月12日起正式上市，售價4900韓元（港幣大約$28）。
▲呢位大廚喺超市裡面從容不迫咁揀食材，仲要喺冰庫前等待時食埋朱古力，真係型爆啦！
留係香港嘅朋友！5個簡單步驟 DIY「栗子提拉米蘇」
材料：
- 零食栗子1包
- 牛奶500ml
- 奶油乳酪250g
- 全麥餅乾
- 太妃堅果拿鐵
- 鮮奶油400ml
- 朱古力
- 格蘭諾拉麥片
5個簡單步驟搞掂
- 煮栗子同牛奶，打成栗子泥
- 攪拌栗子泥同奶油乳酪，冷藏30分鐘後加埋鮮奶油製成栗子奶油
- 全麥餅乾同拿鐵整底，分3層加栗子奶油
- 表面加埋朱古力碎
- 格蘭諾拉麥片放入煎鍋中，再撒上香脆嘅格蘭諾拉麥片
文字：香港人遊香港
The post都市熱話：【《黑白大廚》拿坡里黑手黨「栗子提拉米蘇」！ 10月登陸韓國便利店！教你優先預購！】appeared first on香港人遊香港.
