香港美食：【IKEA推曲奇雪糕三文治！$19起！自選曲奇+雪糕口味/必試花生醬曲奇配D24榴槤雪糕】
香港美食｜IKEA推曲奇雪糕三文治
小編近日在Threads見到有人介紹IKEA又有新搞作！推出曲奇雪糕三文治，作為雪糕控當然要馬上去試！這個曲奇雪糕三文治可以自選配搭，最平只需$19起，好抵食！曲奇的口味選擇有花生醬、雙重朱古力及宇治抹茶等等，至於雪糕口味選擇都非常多，包括D24榴槤、開心果、豆腐及綠茶等等。小編今次試了花生醬曲奇配D24榴槤雪糕，曲奇的花生醬味好香濃而且非常脆，而榴槤雪糕味道亦好濃郁，必食！想更滋味仲可以加$4配麻薯粒粒，口感層次即刻升級，咬落去外脆內煙韌，各位甜品控快啲去試！
▲IKEA推出曲奇雪糕三文治，並可以自選配搭，最平只需$19起，非常抵食。
▲花生醬曲奇配D24榴槤雪糕：曲奇的花生醬味好香濃而且非常脆，而榴槤雪糕味道亦好濃郁。
▲雙重朱古力曲奇配開心果雪糕加麻薯粒粒：曲奇外層香脆，朱古力味濃郁，配上開心果雪糕的香甜，再加上煙韌的麻薯粒粒，開心果味仲好突出，口感層次超豐富！
▲宇治抹茶曲奇配綠茶雪糕加麻薯粒粒：抹茶迷必試配搭，宇治抹茶曲奇帶微微苦澀，配上綠茶雪糕的甘香，兩者味道完美融合，仲有麻薯粒粒的煙韌口感加持，每啖都充滿茶香，清新又滿足！
▲ 雪糕有多款口味可選，包括D24榴槤、開心果、豆腐、綠茶、荔枝、椰子、黑芝麻、朱古力及雲尼拿。
▲ 曲奇口味有5款可選，包括花生醬、蘋果批、宇治抹茶、雙重朱古力及夏威夷果仁白朱古力。
▲各位甜品控快啲去IKEA配搭自己專屬口味的曲奇雪糕三文治！
IKEA 太古店
地址：太古太古城道18號太古城中心1樓104-105號舖
營業時間：11:00 – 21:00
圖片&文字：香港人遊香港
The post香港美食：【IKEA推曲奇雪糕三文治！$19起！自選曲奇+雪糕口味/必試花生醬曲奇配D24榴槤雪糕】appeared first on香港人遊香港.
