【日本福島】化學博士K Kwong親解無懼福島核廢水「我個孫都食日本生果」
日本排放核污水成為國際議題。「還吃不吃日本魚生？」亦已成為香港市民的熱門話題。化學博士K Kwong（鄺士山）昨（23日）也於社交平台上解答了10條問題，分享了自己對日本排放核水和吃魚生的看法。他直言不怕福島核廢水，而且自己的孫子都「食日本生果」，會支持繼續吃日本魚生。
化學博士K Kwong於社交平台上解答了10條問題：
問題1：怕唔怕福島核電廠水？
答：唔怕，因為濃度低。
問題2：支持政府禁日本10個縣海產品嗎？
答：唔支持禁，搵嘢嚟做。
問題3：以後唔畀入口，對你有乜影響？
答：冇乜影響，一向好少係香港食日本嘢，因為貴過日本好多，亦冇咁新鮮。我會飛去日本食！唔好同我爭！
問題4：係咪你自己唔怕死咋？
答：我個孫都食日本生果喎！
問題5：咁你真係唔驚？
答：我驚呀，我驚佢啲核污水未排哂就再一次「東海大地震」，咁就一次過乜都未處理過嘅污水就排哂落海，全球漁業真正大鑊。我短期內會再去日本玩，唔好同我爭！
問題6：東海大地震嘅風險高嗎？
答：好高，所以積埋咁多污水唔係好事。
問題7：會影響日本生果嗎？
答：唔會！唔會！唔會！海嘅水係上唔到陸地灌溉系統嘅
問題8：氚同碳14會永遠留係身體内嗎？
答：唔會！唔會！唔會！佢哋生物半衰期得幾日。
K Kwong在留言區補充解釋，「氚的生物半衰期」是指「生物體内留到幾耐，有好多放射性同位素唔能夠留喺骨，所以入咗身體好快排返出嚟。但有部分好似入到骨嘅鍶90 半衰期係3年。係骨就真係半衰期30年，但係血液就得20日」。
問題9：如果啲水冇事點解你唔攞嚟飲？
答：係經過海水稀釋咗嘅水無事，即濃度低到冇影響，但係我唔會飲海水。尿都冇事我都唔會攞尿嚟飲喎！
問題10：你賣國賊先至支持日本政府！
答：唔係日本政府做嘅所有嘢我都支持，最重要係透明度。好多國家都冇透明度。
圖片及資料來源：DrKKwongChem@ Facebook
製圖/文字：HealthConcept
你或許有興趣
【子宮移植】英國不孕女子接受親姊「子宮捐贈」成英國首宗成功案例
【女性健康】陰道癢痛灼熱是念珠菌作怪！5個建議及早預防念珠菌感染
【洗頭水】內地版Head&Shoulders擠出大量蟲卵 擠一泵約60隻有頭有腳
【腳汗腳臭】赤腳放前座扶手有多不衛生？腳部角質層是細菌的營養來源
【甲醛超標】女子租屋一個月頭痛又嚴重脫髮 測出甲醛含量超標4倍
如欲觀看更多相關文章，請瀏覽 Health Concept
