寶寶雞煲 招呼好食物鮮有質素
食雞煲不定要選麻辣雞，不吃辣的朋友來到寶寶雞煲，可選姬蟲茸翅瓜雞窩半隻，由於食材都幾新鮮，所以整體來講，唔錯呀！最值一提是這裏的老闆，招呼很好，還會為客人推介這裏的美食，絕對無介紹錯。
姬蟲茸翅瓜雞窩半隻$188 全隻$370
呢個湯底真是無敵，水一滾起姬蟲茸香直樸鼻而來，未打邊爐飲啖湯先，香濃味美，滋陰養顏。
牛魔皇拼盤大四喜
一碟內便有齊四款，包括澳洲M9和牛、潮汕牛肉(吊龍)、潮汕牛肉(雪花)及手切新鮮牛肉，睇番張點餐紙，單點半碟都要$168，依家4款加埋都是$398，仲可以試足4 款，真心好抵食，M9和牛肉嫩滑無比，吊龍肉味香濃有口感，雪花牛油脂分佈平均，手切鮮牛，好有肉味滑溜好正，配上點選了的姬蟲茸湯底，與牛真是超夾。
仲有老闆推介，滾牛肉時記住連牛脂一同滾，及送進口中，牛脂香牛肉嫩，簡直是天生一對，都是首次試呢種新食法，真是一試就難以自拔。
自製鯪魚球$28/4粒
食得出係自家製，鯪魚球不是彈牙那種，是有鯪魚的軟腍口感，有鮮甜味。
招牌潮州魚蛋$28/4粒
潮州魚蛋都幾爽甜，就真是幾彈牙呀！
汕頭牛筋丸$48/4粒
一啖咬落去是爆汁，牛肉味很濃，吃那種彈牙的口感，吃得出是手打才能那麽的出色，必試。
新鮮帶膏鵝腸$88
好少地方會有帶膏的鵝腸，我就當然唔會錯過，入口好爽帶膏更添香，好好味。
脆鯇腩$98
切得厚身的脆鯇腩，帶有魚油的香，肉質真是脆口，超愛。
龍躉魚尾片$198
平時唔多識食魚尾，但見有龍躉魚尾就試試，估唔到龍躉魚尾有咁多肉，不知幾鮮甜。正呀！
炸釀百花油條$108及香煎墨魚餅$78/6件
呢個真是認真鬼馬，油炸鬼內釀入蝦膠，入口脆中帶彈牙的蝦膠，兩者好夾到無得彈。後者表面金黃煎得好香口，入口帶點彈力，還有細細粒的墨魚肉，高質好味，一件六件同朋友每人三件食得好滿足。
電話：23922968
〈寶寶雞煲 招呼好食物鮮有質素〉這篇文章最早發佈於《v1paper.com》。
