張敬軒重新演繹《幾分鐘的約會》

張敬軒較早前為港鐵拍攝 45 周年廣告仲重新演繹《幾分鐘的約會》呢首經典之中的經典，軒仔站入面遊走睇見一幕幕唔同年代的港產經典電影，睇到好多站入面邂逅、相聚的溫馨小故事，所有經典電影片段勾浪漫回憶。

廣告中軒仔經過月台電視，重溫張國榮、張曼玉拍攝嘅電影《緣份》，二人車廂中激吻，Do 姐、林子祥喺《三人世界》入面鬥嘴，仲孭住行添！緊接青澀的亞 Sa 在《下一站天后》追夢的旅程，甚至輕鐵發生的《幻愛》，仲拍得非常有意境！

軒仔話:｢睇返呢啲片段真回味無窮，位位都星光熠熠，我有幸可以响呢個廣告入面同同場出現添! ｣軒仔仲話電影同音樂流行文化，就同大家生活息息相關，所以車站、列車等等成日出現呢。大家每日都會搭車出出入入，車站甚至連接住商場及屋苑，由1979 年通車到宜家，45 年來港鐵就是陪伴住港人一齊成長。軒公難得走入車站拍廣告，趁機參觀同「打卡」，佢發現金鐘站設計新穎，仲話依家月台好大好靚，不時有燈箱見到自己廣告，覺得好有愛！

本文章的原文標題為：《張敬軒重新演繹《幾分鐘的約會》》，最先於2024 年 8 月 21 日刊載於《V1周報》v1paper.com。技術支援： THISVO.com。