阿拉斯加皇帝蟹及鮑魚入饌 滿足味蕾

歷山餐廳於即日至12月14日推出全新主題「蟹逅· 鮑魚海鮮盛宴」自助晚餐，味覺潛入深海美味國度，在優雅的氛圍中享受豐饒海鮮的滋味；以阿拉斯加皇帝蟹及鮑魚入饌，加上蟹粉、蟹黃、蟹肉及各式海鮮，超過10款主題菜式，午市和晚市時段輪流供應。單是那個和風松葉蟹蓋炒飯已值回票價，還未計即開生蠔、大鮑魚刺身…….仲有任飲紅白酒及汽水，抵食又滋味。

     

這個名為「蟹逅· 鮑魚海鮮盛宴」自助晚餐，首先是每人有兩隻鮮甜味足的鮑魚刺身，大廚更細心的將鮑魚刺身切成薄片，細細片的入口味道清甜，口感仲不知幾彈牙。由於是以阿拉斯加皇帝蟹及鮑魚做主題，再加埋蟹粉、蟹黃、蟹肉等美食，令人按奈不住不停地吃。

避風塘炒皇帝蟹及軟殼蟹、皇帝蟹茶碗蒸、蟹皇粉絲蒸蟶子、南瓜蟹粉素翅羹、蟹粉鮑魚海鮮粥、明太子鮑魚牛油果沙律、奶油焗卡邦尼鮑魚；仲有滋補矜貴的羊肚菌花膠響螺燉雞湯。 

和風松葉蟹蓋炒飯

入口即嘗到鮮甜味美的松葉蟹肉，用匙羹一𢳂就是松葉蟹膏，撈埋焗熱辣的飯同吃，堅好味，仲有水牛芝士及三文魚子，味道濃郁層次感豐富，由於份量都唔細，否則一定食多一個。

  

香煎鴨肝

睇到師傅將鴨肝慢慢煎至表面微焦，入口真是外酥內嫩，濃郁的鴨肝香味响口腔內爆發，回甘餘韻悠長，若果是厚切就更完美。

頂級烤肉 

雖然我是食肉獸，但自助餐的烤肉一向不是我的首選，但好友又推介，好吧 ！即切烤肉慢燒的美國頂級西冷牛扒，掌握火候準繩度，肉質又真是幾嫩，肉味香濃，又真是不錯喎。當然仲有羊架，好友都大讚，但羊架不是我的喜好所以無試，就難以作出評價。

  

冰鎮海鮮區就有即開生蠔、鱈場蟹腳、青口、海螺及凍蝦等源源供應；刺身就有薄片吞拿魚、三文魚、帶子、紅蝦、油甘魚、赤貝。冷盤有巴馬火腿配蜜瓜、煙三文魚、雜凍肉拼盤等。熱葷今晚就有清蒸沙巴龍躉、泰式香茅海鱸魚、雜錦串燒包括大蝦、鰻魚、牛肉串、雞軟骨及玉桂菠蘿，整體都算幾豐富。

   

甜品Mövenpick雪糕都有五款，仲有以抹茶栗子做主題的甜品，同埋我至愛既招牌芒果拿破崙；即叫即焗的窩夫，由於我是水怪自助飲品吧，無限暢飲精選紅酒、白酒、啤酒、汽水、橙汁、蘋果汁、咖啡、茶，就至啱我。

 

最後一定要提是記住網店預付7折  兼享兩大送一小，生日成人買五送一連蛋糕，「樂悠折上折」60歳以上長者星期六來享用自助午餐網店預付6折優惠，折實連原價加一每位$271.6，實在好着數，記住帶埋家人一齊來呀！

 

網上商店自助午餐及自助晚餐預付優惠:

兩大送一小：兩位付費成人可享網店7折，一位11歳以下小童可免費享用，超性價比折上折優惠。

生日優惠：每六位付費成人，一位當月生日之壽星，即可免費享用； 2位或以上付費客人，可獲贈半磅生日精選蛋糕乙個；7位或以上付費客人，可獲贈一磅生日精選蛋糕乙個。

免費用餐客人需另付以原價計算之加一服務費，免費生日蛋糕須於最少2日前預訂

 

樂悠折上折

歷山餐廳自助餐推出「登陸」優惠，60歲起就可以享用長者價；於網上商店預付購買星期六自助午餐，長者可享獨家6折優惠，折實連原價加一每位$271.6。

 

歷山餐廳「蟹逅· 鮑魚海鮮盛宴」

自助晚餐 – 星期五、六及公眾假期前夕(2024年10月4日至12月14日，晚上6時30分至9時30分)        

網上商店預付7折折實價連原價加一: 成人 $550.4 | 長者$454.4 | 小童 $278.4 | 兩大一小 $1,135.6

原價: 成人 $688+10% | 長者 $568+10% | 小童 $348+10%| 兩大一小 $1,724+10%

地址：香港北角城市花園道32號歷山酒店大堂樓層歷山餐廳(港鐵炮台山站B出口)

查詢：3893 2868 / fnb@hotelalexandrahk.com

網上商店: https://eshop.hotelalexandrahk.com/zh/cafea

 

本文章的原文標題為：《阿拉斯加皇帝蟹及鮑魚入饌 滿足味蕾》，最先於2024 年 10 月 8 日刊載於《V1周報》v1paper.com。技術支援： THISVO.com。