【實測 2024】韓國電話卡推介：4 款旅遊卡，有無限上網，有打電話，首爾、釡山測速！4G /5G 速度差異明顯

10月03日 09:28 TechRitual tech-auto-hilite

隨著韓國旅遊的熱潮持續上升，許多遊客在出發前都會考慮購買適合的韓國電話卡，以確保在旅途中能夠隨時上網、分享照片及查詢資訊。在選擇上網電話卡時，無限上網的選項無疑是最受歡迎的推介之一。特別是從2024年起，部份擁有電話號碼，能夠打電話的韓國電話卡需進行實名認證，這使得購卡過程更加複雜。因此，在出發前了解各種選擇將幫助旅客找到最符合需求的上網電話卡。

此次測試的四款韓國旅行上網電話卡包括：3香港的 15日/30日電話卡、中國聯通的 8天上網電話卡（含通話）、TOPSI 的 5日電話卡，以及 B4travel 的 8日 5G 上網電話卡。這些韓國電話卡部份擁有無限上網，FUP 後限速，今次就以 iPhone 15 進行測試。

4 款韓國旅行上網電話卡

此次測試的四款韓國旅行上網電話卡包括：

3香港韓國 15日／30日限速無限上網電話卡

有效期：15日/30日
數據流量：30GB 限速無限上網
網絡：KT 4G LTE
售價：$120起
查詢：3 香港韓國電話卡

中國聯通韓國 8天 5GB 限速無限上網電話卡（含通話）

有效期：8天
數據流量：5GB 高速數據，無限使用但限速
通話：20分鐘免費通話（香港打出，「沒有」韓國電話號碼）
售價：$50起
查詢：中國聯通韓國電話卡

TOPSI 韓國 5日／8日／15日限速無限上網電話卡

有效期：5日／8日／15日
數據流量：5GB／8GB／15GB FUP 後限速 128kbps
網絡：SK Telecom
售價：$135起
查詢：TOPSI 韓國電話卡

B4travel 5G 韓國 5日／8日／9日／14日無限上網電話卡

有效期： 5日／8日／9日／14日／180日
數據流量：5GB／9GB／15GB／10GB／20GB／30GB FUP 後限速 300kbps
網絡：SK Telecom
售價：$58起
查詢：B4travel 5G 韓國電話卡

測試結果

第一：B4travel 5G 速度最快

B4travel 5G 韓國電話卡提供 5日5GB／8日15GB／9日10GB／14日20GB／180日30GB 後 FUP 限速無限上網 300kbps 選擇，我地今次用作測試嘅係 8日 15GB 版本。進行測試的速度令我地好滿意，下載分別有 97.5Mbps 及 153Mbps，連上載都有 15.6Mbps 及 24.3Mbps，以旅遊電話卡來講真係好快。

第二：中國聯通 4G，能通話但「無」韓國電話號碼

中國聯通韓國電話卡最大賣點係標榜有通話分鐘，但需要留意嘅係這些通話分鐘只能打出，不能接聽，而且它並沒有提供韓國電話號碼。速度上，分別係 22.8-28.2Mbps，都在 30Mbps 以下，上載則是 2.12Mbps 及 10.1Mbps。

第四：TOPSI 及 3HK 不相伯仲

TOPSI 與 3HK 速度測試結果相似，快時都可以有 44.3Mbps 或 53.1Mbps，但慢時可以只有 7.7Mbps 及 8.21Mbps，快定慢，睇彩數！如果有使用 30日的需求，那選擇 3HK 無紡，但如果選擇 TOPSI 就有點怪怪了，因為價錢不便宜，但速度卻不太吸引。

TOPSI 速度測試結果

3HK 速度測試結果

購買地點：

以上提到的 4 張 SIM 卡，在不同的深水埗街檔或者網店都有發售，但以上 6 款均沒有在 Klook 發售。如果想買適合的韓國電話卡也不建議在 Klook 購買，因為一般是漫遊卡，速度不夠理想。以下是我們尋找關於上述 4 張韓國電話卡的最佳售價地點，包括街檔，網店，提供現場取貨，或順豐、OK便利店取貨或上門送貨。

查詢：3 香港韓國電話卡（15日／30日）
查詢：中國聯通韓國電話卡
查詢：TOPSI 韓國電話卡（5日／8日／15日）
查詢：B4travel 5G 韓國電話卡（5日／8日／9日／14日）

總結：B4travel 5G 上網電話卡最快，留意中聯通無號碼

今次韓國測試結果十分簡單，B4travel 5G 電話卡表現最好，速度可以達到 97.5Mbps 及 153Mbps，係速度最快，而且 5日除左有 5GB 版本，也都有 9GB版本，用量高嘅可以選擇，如果再唔夠有 8日 20GB，用完有 FUP 300kbps 無限上網，韓國電話卡推介來講真係唔錯，用落都放心好多。

至於中國聯通雖然數據量低，只有 5GB，但係勝在有 20分鐘，有需要打電話去訂枱的話好適合，不過要留意，如同上圖所言，係可以打電話，但無電話號碼，如果係要訂枱食飯留電話就做唔到啦！至於想打俾朋友，都係叫佢地打 Kakao Talk 啦！

另外嘅 TOPSI 及 3HK 就相類似，速度時快時慢，中規中矩，整體上十分平穩，不過不失。如果需要日子長達 30日嘅，可以選擇 3HK，有長日子選擇。