【詳解】VPN 是什麼？選擇、推薦及「免費」服務介紹 2024

12月04日 10:18 TechRitual tech-auto-hilite

請你由即日起，使用 VPN 上網，保障自己數據，安全上網。

平時上網

首先，你平時上網嘅時候，最基本嘅上網路線係咁！由你嘅電腦 / 電話，發送訊息俾電訊商（ISP），然後發送訊息去目的地（例如 Facebook、討論區），再回傳番去你嘅電腦 / 電話。最簡單可以望以下呢幅圖，好簡單就睇明。

一個想偷睇你上網紀錄嘅人士，佢係可以截取你 ISP 至討論區之間的資料。因為一般上網時訊息都不會加密，就等如你裸體揸車一樣，有心要睇你嘅人，只要一望入架車到就睇到你。除左偷窺，如果有法庭嘅許可，任何人士都可以向 ISP 要求獲取你上網嘅資料，所以用 VPN 係其中一步保護自己的方法。

VPN

VPN 嘅原理好簡單，就係當你上網時，將你的網絡線路改變，從你的電腦 / 電話前往網站那一段之間，加一個 VPN（即所謂的代理伺服器），然後將你的訊息在電腦 / 電話 <> VPN 那段加密（著番件衫），保護訊息不會被輕易查看。然後由 VPN 代表你前往網站伺服器，再回傳給你的電腦 / 電話。

VPN 的工作原理主要是為了解決遠距離取用電腦時的保安需求，特別是公司等等。在理論上，電訊商 ISP 只係知道你去 VPN 伺服器，而不知道你去左邊個網站或者討論區。要理解也都好簡單，只要望下面呢張圖就得，十分簡單清楚。

千萬不要用「免費 VPN」

要選擇 VPN 有一個好重要嘅原素，就係千萬不要使用免費 VPN。因為你每次使用 VPN，你嘅資料都會經過 VPN 嘅 Server，如果你揀錯 VPN 的話，將自己資料送俾人，仲危險過唔用。（將錢放係一間唔安全嘅銀行或錢莊，仲危險過放係床下底，明白嗎？）

全世界大部份提供「免費 VPN」的公司，無論佢嘅所在地係邊，大部份都被中國資金收購左，而呢個情況係 VPN 界也有共識，認為係一個不尋常的活動，所以大家千萬不要使用「免費 VPN」服務。就算你使用的不是中國資金「免費 VPN」公司，但一家需要營利的公司為何會僅推出「免費」的服務呢？這本身就很值得人懷疑了。

千萬不要使用「大學 VPN」

除左不要使用免費 VPN，也不要使用「學校 VPN」，因為大學或任何公營機構的 VPN 均需要實名登入，而登入後經這些 VPN 雖然能夠被終端隱藏 IP Address，但由於你使用的 VPN Server 是學校的，即你的所有加密數據都會有一個 Copy 係大學，即你自己送資料俾大學。

大學作為一個由政府資助，由特首做校監的機構。若有法庭要求，可以將有關數據交予任何人，有關伺服器也相對容易被有心人士於實體伺服器中心攻破控制，如同任其觀看，在實際情況上毫不安全。

VPN 與 Shadowsocks 及 v2ray 的差別

在使用 VPN 的時候，你需要了解一個重要概念，即網絡的傳送方式，也同時說明什麼是 VPN、什麼是 Shadowsock 及 v2ray。先說明下圖，下圖是來自 YouTube 电丸科技AK，它有簡單說明到底一個網絡訊息會通過多少層轉換傳送出去。

由上而下，打開瀏覽器 Chrome 就是在最高一層，然後不斷往下，直到物理層，抵達目標伺服器，然後再原路返回到應用層 Chrome 顯示給你看。我們日常在使用的 Chrome, Email, OS 都是 Application，即應用層。至於 VPN 協議（PPTP、L2TP、OPENVPN）則在 Data Link 數據鏈路層，至一些較新的方式如 Shadowsocks、v2ray 則在 Session 會話層。即如果你傳送的資料低於 Session 這一路，那使用 Shadowsoscks、v2ray 等都有一定風險。

所以要整個電腦/手機在使用上都加密保護，簡單來說用 VPN 會是最簡單的，但也有一定的限制及風險，但詳細就不多說。想更深入了解可以去看 YouTube 电丸科技AK，算是深入得來又淺白易懂的了。

6 個較可靠的 VPN 介紹

那麼要用 VPN，這裡給大家幾個輕易也簡單的選擇，以下提供五個最無痛嘅選擇：

A. Surfshark VPN（Android / iOS App 都有）

Surfshark VPN 是一個相對較新的公司，位處英屬維爾京群島，他們在 3,200個國家 / 地區擁有 63 個服務器。它們擁有無數據保留政策，即所謂的 No-Log VPN，在私隱保障上算比較好。他們在服務上支援 P2P、Torrenting、可以跨區觀看 NETFLIX、Disney+、Hulu、BBC iPlayer 等等，也可以在中國翻牆使用。

優點：全球大型 DNS 公司，無紀錄政策，加密
缺點：2018 年才成立的 VPN 公司，歷史較淺
專用連結：Surfshark Link

B. Cloudflare 推出的 WARP（Android / iOS App 都有）

由 Cloudflare 推出的 VPN 服務本身有快啲嘅收費版本「WARP+」，有加密，但沒有完全隱身功能（即更換你的 IP Address )，適合普通上網俾錢或入信用卡資料時保障自己，每月港幣 $39。如果唔想俾錢，可以用住 FREE 版本先，下載連結：https://lihi1.me/K9msF

優點：全球大型 DNS 公司，可信，簡單、免費、加密
缺點：免費版速度慢、不隱藏 IP Address，不是真正 VPN

使用教學：Cloudflare 的類 VPN 服務，可靠免費外仲有 iPhone / Android App

C. Outline VPN（Android / iOS App 都有）

Outline VPN 分兩部份，一是連線用，二是驗證用，好處途經伺服器完全靠個人選擇，屬於完全自行架設的虛擬私人網路服務，不經商業 VPN 公司，所以有一定保障。壞處是需要在使用 outline VPN 外，需要配合 DigitalOcean、Google Cloud 或 Amazon Cloud 等使用。它的收費也不貴，以 DigitalOcean 為例，US$5 就有 1TB 流量，足夠使用，2TB DigitalOcean 登記連結：https://m.do.co/c/d1d2bfcc6d6b/ Outline 連結：https://getoutline.org/使用教學：https://www.techritual.com/2020/05/22/222560/

優點：速度快、需要付款、自行架設
缺點：屬於 Shadowsocks 代理，不是真正 VPN

Outline VPN 使用教學：【教學】Outline VPN 自設伺服器，US$5 1TB 夠哂安全

D. ProtonVPN（Android / iOS App 都有）

瑞士公司推出的 VPN 服務，有隱身功能，加密等 VPN 常設功能，也有免費版本，賣點的雙 VPN Server 服務僅付款版才有，建議採用。Proton 同時提供加密電郵服務，建議同時選購，把 Email 全線加密，保障安全。一年收費 $750。（https://protonvpn.com/）

優點：免費版速度也不太慢，需要付款，真正意義上的 VPN，付款版才有高級功能
缺點：付款版超加密版速度慢

E. Nord VPN

被稱為最安全的 VPN，位處不受中國或美國法例限制的地區，真正意義上的 VPN，對很多人來說是一個好選擇。缺點是曾爆出系統漏洞，洩漏資料。

優點：速度快、加密隱身性能高
缺點：用戶數量突然爆增
獨家優惠碼：BESTVPN（2年計劃減 70%）
專用連結：https://bit.ly/36BvpkD

F. PURE VPN（Android / iOS App 都有）

PureVPN 本來在香港有提供伺服器，但在香港國安法通過後，宣佈受私隱和保安問題困擾，所以在 2020年7月28日起停用香港伺服器運作。PureVPN 這個決定對一眾香港朋友來說應該也是蠻放心的決定，而大家仍然可以選擇在台灣、新加坡、日本或韓國等近距離的伺服器，保證速度安全。

PureVPN 使用簡單，只要點選「Quick Connect」可以簡單連接，支援 Android / iOS Apps 外，也支援 Windows、macOS、Linux；PlayStation、Xbox、Android TV、Amazon FireStick 平台及 Chrome、Firefox 等瀏覽器。

功能上，PureVPN 除了提供隱身等功能外，也提供轉換 IP Address 地區等服務。由於 PureVPN 擁有逾 6,500 多個伺服器及超過 300,000 個 IP，所以你也可以使用 PureVPN 順利觀看其他不同地區的 NETFLIX，如美國、日本及德國等等。

優惠：全球型 VPN 公司，簡單，香港無伺服器，適用 NETFLIX 跨區
缺點：未算超巨極大型公司
（https://www.purevpn.com/hk/）

懶得來又想免費的 Tor Project

基本上，Tor Project / Tor Browser 算係一個「免費 VPN」服務，但佢因為知名及使用多個 VPN Server，所以你真係無錢俾 VPN 上網，用佢都不失為一個方法。

Tor 嘅原理基本上係咁，你上網會由 ISP 去 VPN 1 再去 VPN 2 再去 VPN 3 然後先去到網站，而由於經得愈多中途站就愈難搵返原點，所以理論上都相對「完全免費 VPN 」安全，也提供了隱身再隱身的能力，下載連結：https://www.torproject.org/

根據斯諾登提供嘅資料，美國軍方可以用電腦硬解部份 Tor Project 嘅加密數據，至於其他非美國軍方的機應該未有咁強嘅能力，但當然部份嘅 Tor Project 接點可能身處 CN HK MO KP IR SY PK CU VN 呢啲地方，所以係使用上也都要設定避開呢到地址嘅 Tor Project Server（教學看此）