銅鑼灣美食2023｜銅鑼灣木系露台cafe主打手工意粉 龍蝦汁蟹肉手工寬麵條+抹茶巴斯克麻糬蛋糕

呢間位於銅鑼灣的樓上cafe，以木系風格為主，更設有戶外露台位置，有植物同招牌燈箱配襯令氣氛更chill。餐廳主打手工意粉，所有意大利麵都係手工製作。其中自製龍蝦汁蟹肉手工寬麵條係必食菜式，手工寬麵條煙韌有咬口又掛汁，而龍蝦汁係用新鮮龍蝦頭熬湯而成，所以味道十分香濃，再配上啖啖蟹肉，難怪是人氣之選。抹茶巴斯克麻糬蛋糕都好受歡迎，切開即有澎拜流心效果，打卡一流。餐廳亦有提供其他西式餐點及甜品，包括意大利飯、沙律、巴斯克麻糬蛋糕等。環境、食物同氣氛都十分適合一班朋友或情侶來約會放鬆！

• 

• 

▲裝修以木系風格為主，更設有戶外露台位置，可眺望銅鑼灣鬧市景觀。

• 

• 

▲自製龍蝦汁蟹肉手工寬麵條（$178）：手工寬麵條煙韌有咬口又掛汁，龍蝦汁係用新鮮龍蝦頭熬湯而成，再配上啖啖蟹肉。

• 

• 

▲抹茶巴斯克麻糬蛋糕（$68）：切開即有澎拜流心效果，抹茶味香濃，配上綿滑奶蓋令口感更佳。

▲慢煮白松露雞胸配南瓜意大利飯（$138）：雞胸肉腍身嫩滑有松露香及炭燒味，risotto口感煙韌，因為是南瓜味，所以飯粒更帶香甜！

▲煙三文魚墨魚汁手工圓粗麵（$148）：圓粗麵同樣為手工製作，墨魚汁有香味。整體質感及味道都不會太膩。

Vol. 1 Cafe

地址：銅鑼灣景隆街3號2樓
營業時間：13:00-17:00、19:00-22:00
訂座電話：97482308 (Whatsapp)

文字來源：香港人遊香港/圖片來源：@__homekong__、@joys.foodiary

The post銅鑼灣美食：【銅鑼灣木系露台cafe 主打手工意粉 必試龍蝦汁蟹肉手工寬麵條+澎拜流心抹茶巴斯克麻糬蛋糕】- Vol.1 Cafeappeared first on香港人遊香港.