香港美食：【日本人氣撈麵店進駐荃灣/元朗！限定優惠$1鴨肉串燒！85折試食全新黑松露鴨胸撈麵+7折試飲沖繩海鹽菠蘿沙冰】-麺屋こころ
香港美食︱日本人氣撈麵店麺屋こころ進駐荃灣/元朗
來自東京、全港唯一的日式撈麵店自2021年開業，繼開設灣仔及沙田店後，最近再開分店，進軍荃灣、元朗，兩家新店分別以「製麵工藝」和「京都庭園」為主題，荃灣店一開張仲變身做人龍店，大受歡迎！日式撈麵是無湯底的日本拉麵變奏，店家將台灣的食材配上自家製日本太麵製成人氣產品。為慶祝新店開張，店家推出全新限定產品鴨胸肉系列，必食包括黑松露鴨胸撈麵、黑松露鴨胸醬油拉麵及京蔥鴨胸串燒。另外，仲有新張限時優惠，包括$1就食到嘅鴨肉串燒、85折黑松露鴨胸撈麵、7折享用大大杯超足料沖繩海鹽菠蘿沙冰，仲可以無限追加日本白飯！鍾意食撈麵嘅朋友，唔好錯過！
▲黑松露鴨胸撈麵($129)：內有鴨胸肉、黑松露、自家製麵條，店家推薦一麵三食的食法，可以食出唔同嘅層次。第一步，先將所有食材混合、拌勻，每啖都食到鴨胸肉同黑松露嘅香味。第二步，加入黑胡椒，多一份辣味同香味。第三步，加入KOKORO黑松露特製醬，帶少少酸味，感覺更清新，中和肉嘅膩感。除咗鴨胸撈麵，店家亦提供多款撈麵畀大家揀，例如有招牌正宗全料東京撈麵、經典叉燒撈麵、以慢煮日本雞肉及清新柚子汁製作的柚子鹽味撈麵等等。
▲黑松露鴨胸醬油拉麵($109)：第一啖會先食到黑松露嘅香，再食到濃郁嘅鴨肉味，醬油鴨油湯唔會油膩，拉麵有咬口同掛汁！
▲京蔥鴨胸串燒($29)：食落有鴨肉嘅鹹香同油脂，仲帶少少京蔥嘅辣味。
▲特色抹茶及焙茶茶飲：店家選用100%有機茶葉，獲日本JAS有機茶園認證，絕無添加，而且選用新鮮日本牛奶，製作各種特色茶飲。
▲沖繩海鹽菠蘿沙冰($68)(沙田及元朗分店限定)：用酸甜的菠蘿沙冰做冰底，會飲到少少海鹽嘅鹹香，夏天最啱飲清爽嘅飲品！即日起至9月30日，可以優惠價$48享用。
▲元朗分店以「製麵工藝」為主題，將製麵過程的元素融入餐廳設計，好似牆上放置的製麵機LED疊影鏡、日本直送的製麵機、餐廳中央仿麵餅造型的燈飾，都可以畀食客感受到工藝匠心。
▲荃灣分店以「京都庭園」為主題，店內嘅黑色原木帶出京都庭園風格，又採用落地大玻璃設計，可以睇到窗外風景，打造寧靜、典雅嘅氣氛。
麺屋こころ
地址：荃灣大河道100 號海之戀商場1樓1005 號舖；元朗朗樂路1號元點1 樓B101-B102 號舖
營業時間：11:30-22:00
新張限定優惠
- 由即日起至9月30日可享以下優惠：
- 優惠一：可以用85折優惠價$109享用黑松露鴨胸撈麵！
- 優惠二：堂食買任何麵食，都可免費任意追加白飯，大家可以撈埋剩底嘅汁變成肉燥飯！
文字：香港人遊香港
The post香港美食：【日本人氣撈麵店進駐荃灣/元朗！限定優惠$1鴨肉串燒！85折試食全新黑松露鴨胸撈麵+7折試飲沖繩海鹽菠蘿沙冰】-麺屋こころappeared first on香港人遊香港.
