【春電展 2024】協作機械人可以沖咖啡拉花，取代咖啡師嘅雙手

「香港國際創科展」及「春季電子產品展」今天起一連四日（2024年4月13至16日（星期六至星期二）於灣仔香港會議展覽中心舉行，今日就同大家搶先入場參觀，同大家介紹新奇有趣又有創新的一些創科電子產品。

來自「AUBO Robotics Technology」嘅協作機械人，可以取代咖啡師嘅雙手，用平板揀好飲品後就識得自己拎杯、打奶，沖出一杯熱辣辣嘅咖啡，而且仲識拉花添，你睇個拉花認真唔錯㗎。整個過程大概1分鐘左右。

呢款協作機械人展現咗高超嘅咖啡沖調技巧，由揀選飲品、拎杯、打奶，到沖煮同埋拉花，都可以自動完成。就算冇咖啡師，佢都可以一人獨立沖到一杯芳香濃郁嘅咖啡。相信呢種嘅機械人技術，可以應用係更多需要人手操作嘅工作間，既減省人力，又可以保持一定嘅服務質素同水平。

「香港國際創科展」及「春季電子產品展」
日期：2024年4月13至16日
地點：灣仔香港會議展覽中心
立即登記 免費入場

此文章《【春電展 2024】協作機械人可以沖咖啡拉花，取代咖啡師嘅雙手》發佈於Techritual Hong Kong。