觀塘美食：【人氣急升！觀塘手工Gelato雪糕店 港式經典！龍井茶+芝麻湯圓+楊枝甘露味】-GANTO GELATO
觀塘美食2024｜觀塘手工Gelato雪糕店
有一樣甜品無論春夏秋冬都一樣咁受歡迎，答案就係雪糕啦！而觀塘一向有好多隱世美食，今次介紹呢間觀塘嘅樓上舖主打手工意式雪糕，全部都係新鮮自家製，總共12款口味，每個月各有不同主題雪糕及固定的大熱口味雪糕，例如西西里開心果味、tiramisu、法式焦糖燉蛋味等等都係常駐口味雪糕，另外一些限定口味則有新年限定龍井茶、芝麻湯圓、鹹花生、奶油話梅、楊枝甘露味等，充滿港式傳統風味！好期待下個月新口味主題啊～
▲雪糕店每個月都會轉換雪糕口味，2月限定的新年主題必試芝麻湯丸、楊枝甘露、明前龍井味、鹹花生、奶油鹹話梅、砂糖桔雪葩味，令人眼前一亮。
▲最平$25單球就食到，龍年一定要食龍井味添添運氣～
▲西西里開心果味、tiramisu、法式焦糖燉蛋味等等都係固定的口味雪糕。
▲此外，一月份主題茶祭雪糕由於反應熱烈因此亦會回歸，包括有香濃帶回甘的3級濃度抹茶雪糕、焙茶、玄米茶味，還有帶佛手柑清香的伯爵茶味，不過當日會隨機供應一款口味。
Ganto HK
地址：觀塘成業街19-21號成業工業大廈13樓1326室
WhatsApp： 6090 5848
＊可留意Ganto HK IG專頁公佈的每週開放時間
圖片來源：@gantohk文字：香港人遊香港
The post觀塘美食：【人氣急升！觀塘手工Gelato雪糕店 港式經典！龍井茶+芝麻湯圓+楊枝甘露味】-GANTO GELATOappeared first on香港人遊香港.
