日本食住遊：星野 TOMAMU 度假村開放入住 享美食

星野TOMAMU 度假村將於2024年4月26日正式換上「春裝」，RISONARE Tomamu 今年更首次同時開放入住！

為了迎接花開處處嘅北海道， 星野 TOMAMU 度假村於4、5月期間舉辦「賞花丸子下午茶」及「農場花開賞花樂園」活動。前者加入時令及最合打卡的櫻花元素，農場活動則可透過體驗帶出「旅行×農業」的主題。現在便和大家分享活動細節，睇睇點樣玩先最開心！

「賞花丸子下午茶」

「賞花丸子下午茶」係 星野 TOMAMU 度假村 今年全新推出嘅春日活動，大家可以係北海道櫻花花期間一邊賞花，一邊自己烤製選用北海道產糯米所製成嘅賞花丸子。櫻花形狀嘅Q彈丸子配搭上傳統甜醬油、螃蟹鮭魚卵等10種能代表北海道春天味道嘅獨特配料，保證大家食得津津有味！然而，烤製後可以先放在超精緻兼打卡度極高嘅櫻花樹木木架上面，令賞花丸子變成如櫻花般於樹上綻放。再點選一杯同樣 IG-able 嘅玫瑰氣泡酒、白樺樹茶、櫻花啤酒/拿鐵、草莓乳清調酒等10款茶茗或酒品，盡情享受北海道嘅下午茶時光。

「賞花丸子下午茶」

供應日期：2024年4⽉26⽇〜5⽉31⽇

供應時間：11:00am~4:00pm

收費：賞花丸子下午茶1份 1人3,500円（含稅價格）、

賞花品酒需要額外收費1人1,800円（含稅價格）

預約：到訪3日前於官方網站預約

人數限制：1⽇10組，1組3名（含）以下

地點：星野TOMAMU度假村hotalu street內cafe&bar「tukino」

「花開農場花園」

設置於農場區入口嘅「花開農場花園」，於今年會擴大範圍，以大大小小嘅粉紅、白、黃等充滿春日色彩嘅花卉點綴園區，仲有同戴上花環裝飾嘅山羊影吓相，又可以安坐草地或沙發，開心打卡拍出全城like爆嘅女神照片，享受春日愉快時光。

 「花開未來」

環保已成為世界各地嘅議題，「花開未來」正係一個學習好機會！大家可以跟員工親手種植自己喜歡嘅顏色花卉之外，當中嘅堆肥材料係由酒店廚餘製成，實際參與花卉種植體驗嘅同時，了解堆肥嘅製作過程，以及整個星野農場發展歷史，加上小冊子同各式可愛農場印章，將呢份環保智慧帶返屋企！

「花開TOMAMU牛奶果凍」

生活需要一點甜，今年園區新推出嘅「花開TOMAMU牛奶果凍」，大家絕對不可錯過！牛奶果凍嘅原材料係來自TOMAMU農場嘅牛牛，而頂端係各種色彩繽紛嘅食用花，寓意大地花開，配合酸酸甜甜嘅時令水果，無論係打卡或品嚐都一樣滋味！

 

「農場花開賞花樂園」活動詳情

日期：2024年4⽉26⽇〜5⽉11⽇

收費：免費入場

時間：10:00am〜4:00pm

地點：星野TOMAMU度假村農場區域

花開TOMAMU牛奶果凍：800円（含稅）

 

備註：受天候影響，有可能更改活動日期或活動開始時間。

 

查詢電話：28304888

〈日本食住遊：星野 TOMAMU 度假村開放入住 享美食〉這篇文章最早發佈於《v1paper.com》。