尖沙咀美食：【尖沙咀傳統韓國菜餐廳 必食正宗醬油蟹+重口味土豆排骨湯】-梨泰園韓國餐廳
尖沙咀美食2023｜尖沙咀傳統韓國菜餐廳
去韓國旅行都知有一個地方叫梨泰院，而剛好香港都有一間「梨泰園」！呢間「梨泰園」是韓國人開設的，店主非常親民，係呢度可以食到最正宗嘅傳統韓國菜，而小編最鍾意食嘅就係醬油蟹！而呢度嘅醬油蟹暫時係小編吃過最好食的，醬油蟹尺寸比一般餐廳大，醬汁偏甜，蟹肉非常鮮美，蟹殼入面有好多橙色甜膏，用來送飯食簡直一流！如果同朋友聚餐可以叫土豆排骨湯，一鍋裡足足有五六舊大骨，仲痴住好多肉，湯底亦偏辣夠曬惹味，有興趣的話約朋友試下啦！
▲餐廳裝潢保留韓國傳統風貌，牆身有古代畫作。入去進食的話，每人都配有小菜，總共有6款。
▲必食正宗醬油蟹，尺寸比一般餐廳大，醃得非常入味，醬汁偏甜，蟹肉非常鮮美。
▲蟹殼入面有好多橙色甜膏，加埋甜醬汁用來送飯食簡直一流！
▲！如果同朋友聚餐可以叫土豆排骨湯，一鍋裡足足有五六舊大骨，仲可以另加配料例如年糕、辛拉麵、生菜等。
地址：尖沙咀柯士甸路14-18C號僑豐大廈地下18A號舖
營業時間：星期一至日11:30 – 21:00
圖片&文字：香港人遊香港
The post尖沙咀美食：【尖沙咀傳統韓國菜餐廳 必食正宗醬油蟹+重口味土豆排骨湯】-梨泰園韓國餐廳appeared first on香港人遊香港.
