澳門好去處2023｜超軟滑蔥花雞蛋布拉腸粉遠近馳名澳門小店 即叫即整保證新鮮

相信唔少人都鍾意近近地去澳門玩，但講到澳門美食，除咗葡撻之外，呢間布拉腸粉都好值得試。呢間小店主打布拉腸粉，而當中最受歡迎嘅就係蔥花雞蛋腸，出名夠哂滑溜！腸粉全部都係即叫即做，將米漿倒到白布再拎去蒸，之後加蛋同蔥，保證以最新鮮嘅狀態送到你面前！整體口感超級滑，又帶少少煙韌。可以自行加唔同醬汁，不過腸粉蛋香味唔算好突出，主要都係食佢軟熟滑捋捋嘅口感。

▲蔥花雞蛋腸（$33）：小店最出名嘅蔥花雞蛋腸，最大賣點就係超級滑嘅口感！滑得嚟又帶啲煙韌。

• 

• 

▲可以自行加唔同醬汁去調味，因為腸粉嘅蛋香味唔算好突出，最主要都係食佢軟熟滑捋捋嘅口感。

• 

• 

▲全部腸粉都係即叫即做，將米漿倒到白布再拎去蒸，之後加蛋同蔥花，蔥花除咗增加啲蔥香之外，都增加埋口感。

▲小店喺大三巴附近，不過位於橫街窄巷之中，有啲難搵。而且員工數量少，好多時候都係得老闆一個，所以要有心理準備要排下隊先食到呀。小店由大清早開到凌晨，大家可以預吓時間去啦。

倫記軟滑腸粉

地址：澳門沙梨頭沙欄仔街26號泉彩樓地下B號舖（白鴿巢與十月初五街之間）
營業時間：07:00-01:00
電話：+853 28956563

文字來源：香港人遊香港/圖片來源：@obxxob、@hkeatertainment、@corgiwithfood

The post澳門好去處：【超軟滑蔥花雞蛋布拉腸粉 遠近馳名澳門小店 即叫即整保證新鮮】- 倫記軟滑腸粉appeared first on香港人遊香港.