灣仔美食：【灣仔CP值高泰國菜餐廳邪惡咖喱炸軟殼蟹+足料和牛濃湯粉+芒果糯米飯】-泰鑫Rangsit Thai Boat Noodles

04月19日 08:09 香港人遊香港 lifestyle-auto-hilite

灣仔美食2024｜灣仔CP值高泰國菜餐廳

灣仔有間全新開幕嘅泰國菜餐廳主打足料平價泰式料理，每道料理都大大份，適合一班人聚會一齊share食。新店係由擁有30年烹飪經驗的泰國廚師主理，因此味道亦頗正宗，甚至香港泰國領事都推薦㗎！美食分別有巨型咖喱炸軟殼蟹、鮮肉碎生菜包、招牌泰式和牛濃湯粉、芒果糯米飯等，仲有原隻椰青新鮮奉上！如果係附近上班的灣仔上班族有口福啦～

▲位於灣仔皇后大道東「Rangsit Thai Boat Noodles」是一間小清新泰國菜餐廳，裝潢以木系為主，主廚是30年泰國廚師。招牌巨型泰式咖喱軟殼蟹大碟過洗面盆，適合3-4人一齊share食。

▲遠赴家鄉Rangsit研發炮製特色濃湯船面（ $138），湯底偏濃口，加入大量香茅配料，檬粉勁掛汁，配上大量粉嫩和牛同爆汁牛丸，味道一流！

▲鮮肉碎生菜包（$126），肉碎炒得香口惹味，比起一般的肉碎切得更大粒，加入Q彈的豬皮，整體更有口感

▲ 芒果糯米飯（$88）芒果香甜，有雙色糯米飯賣相別緻，口感彈性。另外飲品方面有原隻新鮮椰青，解膩一流！

泰鑫Rangsit Thai Boat Noodles

地址：灣仔皇后大道東222號地下2號舖
營業時間：星期一至日11:30 – 22:00

圖片及文字：香港人遊香港

The post灣仔美食：【灣仔CP值高泰國菜餐廳邪惡咖喱炸軟殼蟹+足料和牛濃湯粉+芒果糯米飯】-泰鑫Rangsit Thai Boat Noodlesappeared first on香港人遊香港.