尖沙咀美食：【尖沙咀開釜山粥品烏冬專門店韓國Oppa主理！打卡魚糕烏冬+足料鮮鮑魚/人蔘雞粥】-HANA Korean Restaurant

03月30日 08:00 香港人遊香港 lifestyle-auto-hilite

尖沙咀美食2024｜尖沙咀開釜山粥品烏冬專門店

去韓國一定唔少得人蔘雞、魚糕、粥品等美食，但其實香港都有架！由韓國Oppa開的韓國餐廳主打正宗釜山粥品、韓式餃子和烏冬，包括有釜山鮮鮑魚粥、人蔘雞粥、釜山魚糕烏冬、鮮蜆烏冬、蒸餃子、煎韓牛餃子等等，味道健康又好食，相對地亦係香港好少見到呢類食物，而且價錢相宜，份量實在大得驚人加上足料，絕對CP值高！

▲尖沙咀韓國街有間專食釜山粥同烏冬嘅餐廳，價錢合理又健康啲，而且由韓國人主理，味道正宗，可以一試！

▲釜山魚糕烏冬 $78，好特別的賣相，掛住左啲烏冬係上面，烏冬口感似稻庭烏冬較煙煙韌韌，配上一大串炸過嘅魚糕。

▲人蔘雞粥（$108）配料有人蔘仔、雞絲、紅蘿蔔、洋蔥同薯仔，食落口好香麻油同人蔘味，而粥底較杰身。如果想惹味啲就可以選擇泡菜章魚粥（$108）。

▲蒸餃子（$68/5件）餃子餡加入韭菜，更加香濃。另外仲可以試下煎濟州黑豚肉餃子（$72/5件）以及韓牛餃子（$72/5件）。

HANA Korean Restaurant

地址：尖沙咀金巴利街1E號地舖
營業時間：星期一至日12:00 – 22:00

圖片來源： @sogoodwithfood、 @happy_foodie_walker、@ctyfooddiary文字：香港人遊香港

The post尖沙咀美食：【尖沙咀開釜山粥品烏冬專門店韓國Oppa主理！打卡魚糕烏冬+足料鮮鮑魚/人蔘雞粥】-HANA Korean Restaurantappeared first on香港人遊香港.