伍家朗德國羽毛球賽封王　「想成功一定要刻苦耐勞跨過難關」

伍家朗在德國羽毛球公開賽決賽奪冠。

【橙訊】香港代表伍家朗在德國羽毛球公開賽決賽奪冠，以局數2:1反勝國家隊李詩灃。伍家朗奪冠後表示，「每次都諗會唔會係我最後一次決賽，仲有無機會喺退役之前攞到冠軍？」他又稱，這場比賽奪冠後印證了想成功就一定要好刻苦耐勞跨過重重難關。

伍家朗稱，經過三年零四十四日等待，終於再一次企上頒獎台冠軍位置。他憶述自己曾經三次打入決賽都功敗垂成，三次都同冠軍擦身而過，每次都想「會唔會係我最後一次決賽，仲有冇機會喺他朝一日退役之前攞到冠軍？」

他指幸好上個月泰國大師賽後只等了一個月就有機會再嘗試去衝冠，他雖然跟身邊人說「平常心啦」，但去到可以爭冠軍時候，點會做到「咁佛系」？

伍家朗坦言傷勢的確係對發揮有影響。

對於昨日比賽打到一半又遇到好大困難，在第二局初段突然腿部受傷，要叫駐場醫生幫我做一些簡單治療。但傷停完後，他覺得自己未必不能繼續，而「唔想一個贏冠軍機會就咁樣溜走左」，所以就決定再上場試。

他坦言，傷勢的確係對發揮有影響，只可以在場上盡量做一些不會令到他感到太痛的動作。這場比賽印證了一句說話，「就係當你想成功或者得到你好想要結果的話，你一定要首先好刻苦耐勞咁跨過重重難關。」

伍家朗在決賽面對世界排名比自己低五位的李詩灃。在第一局「刁時」下輸20比22，但之後兩局成功調整策略，同樣以21比18連贏兩局封王。伍家朗上月在泰國羽球大師賽不敵對手，只得屈居亞軍。

圖：伍家朗Facebook、法新社